I år er det 50 år sidan Robert A. Robinson ga ut fotoboka Captured by the Norwegians. Nokre år før, kom den 24 år gamle Robinson til Noreg på sommarferie invitert av ein norsk medstudent frå fotografstudiet ved Arts Center College i Los Angeles. Meininga var at han skulle reise heim etter ferien, men han blei i Noreg i mest 15 år. Dei første åtte åra budde han i Bergen, og han reiste mykje rundt i Sunnfjord og Sogn og skildra med kamera etterkrigstidas menneske og miljø i det kvardagslege. Dette gjorde han med stor varme og humoristisk sans, men samstundes med undring og respekt for folka som budde i dette framande landet.

I 1995 gav kollegaen og venen Dan Young ut boka Captured om Robinson og fotografia hans. Same år skipa Hennie Onstad kunstsenter på Høvikodden ei stor utstilling av verka hans. I tillegg laga Dan Young ein halvtimes film om Robinson, som blei vist på NRK. Denne filmen vil bli vist under utstillingsperioden.

Utstillinga kan vitjast på Kystmuseet t.o.m. 29. august 2010.

Dette er den tredje av i alt fire fotoutstillingar Kystmuseet vil vise i samband med 150 års jubileet i 2010.

Sjå heile programmet ved Kystmuseet for 2010
Les meir om dei andre utstillingane.